老妖格茶杯（日本传统落语上海话版本）
はてな茶碗
表演者：桂枝雀
翻译者：步亭先生
生年月日：年8月13日～年4月19日（享年59歳）
桂志雀是关西落语界大佬桂米朝（俗称人间国宝，非物质无形文化财）门下被人最看好的一位落语演员
可能因为太有本事了，所以受到的压力比其他同门更大。
从30岁左右开始就翻有严重的忧郁症，到了年甚至全休三个月专门治病
而从这年开始他的表演风格改成了大幅度，夸张。
大家都以为他的抑郁症好了，单实际上是抑郁症越发严重了。
挨到年，他在自己家三楼的楼梯上跪着自缢身亡了。
我个人认为是非常可惜，他是那种有理论又有实际的人。
土特产么，才讲究一个出处，诺，比方讲（gang）清酒么必定要是滩（神户附近地名）伊面额，河鳗要是浜名湖捞起来额，鲱鱼勿是北海道来额，咪道总归差口气。
古董，一定要京都奈良伊面淘得来额。其他地方么，古董肯定有的卖额，勿过总归是京都奈良额正宗，再讲了清爽念，崇明岛高头侬讲没卖古董额地方伐？弄勿好有叠种老句三（古董店），个么侬敢去卖伐？总归有念吓丝丝额。
个么今朝我讲额事体，就是来京都发生额。去过京都额人（ning）才晓得有个清水寺对伐？
勿晓得？就是每年年底，（日本）有个当家大和尚，挠牢毛笔写老老大一个字，总结今年一年全国（日本）发生额事体，就是伊面块地方。
老和尚写字额地方，是个牢大额舞台，舞台下头呢有条瀑布叫音羽（瀑布），大么勿大
名气么来得额响。就来还瀑布前头有爿茶馆店，里厢陈设交规寒酸，矮凳，台子。
叠种茶馆店摆了其他地方呢肯定没人进来照顾生意。
到底是清水寺牌头大，周围景致赞，所以呢经常有来白相额客人进来喫喫茶，呼呼香烟。
今朝呢，正好有个五十左右的老爷叔坐来还喫茶，身高头的衣裳料足么是结城紬（绸）（日本的一种高档绸缎，如果是全新的一套结城紬做的日式和服，据说要14万人民币才能买到），
面孔高头额起色一看就是有钞票额大人家出来额。伊笃笃悠悠挠茶杯里额茶喫光，就准备跑了。伊，老先生挠茶杯举起来看，反转来看，朝牢太阳看。嘴巴里咕了一句
（茶杯）老妖格吗？
讲好之钞票一掴，抬脚就跑
茶馆店里另外还有个茶客，叠个人帮老先生比起来呢，行头就坍板了，一看就是个穷棺材，伊么事一个挑了担子到处卖油额小老板
老板（茶水）几钿？我要跑了
哦，谢谢，油葫芦侬走好
庙里厢的和尚看来勿欢喜我额油，阿拉调方向
哦，侬额油嘎好，总该有人买啊，祝侬生意兴隆
谢谢侬
老板临跑前头问一句言话
撒？
阿拉呢，挑了担子东跑跑，西淘淘
跑伐跑伐呢嘴巴就干了
侬看看外头额太阳噶*，我刚刚喫额茶水头一别就变成汗了
到一个地方想喫口水么，手高头么油里玛哈额
问人家借茶杯，看到我龌里龌龊勿肯借被我
我好勿好意思用人家额茶杯
个么嘴巴感总归是真生活呀
我老早就想侬只自噶茶杯了
侬叠的（茶馆店）茶杯噶许多，好匀我一只伐？
哦哟侬啰里啰嗦噶长辰光
就是要一只茶杯啊
侬想挠啦一只，随便选，覅侬钞票
阿拉啥关系啊
覅钞票啊？过意勿去过意勿去
喂侬手里厢挠一只勿来三，其他额侬随便挠
叠只茶杯我要收起来
其他侬随便挠要么侬看叠只来三伐？
侬勿是要当茶杯喫茶么？
叠只没人（nin）用过，侬挠去正好
两只茶杯勿是一样啊？
一样勿一样，勿是侬讲额
叠里厢额撬开（内幕）侬就勿懂了茶杯帮茶杯是唔一样额
油葫芦侬是大阪过来的，还勿晓得叠的额事体
刚刚坐了叠的喫茶，穿了山青水绿额老先生，侬勿认得对伐？
老先生是京都有名额卖茶具的金老先生，人家才叫伊茶金先生
京都卖茶具额人里厢，伊算老法师，一只鼎，
京都一只鼎么，就是全国（日本）一只鼎
只要伊摆句言话，“叠只”举一只手节头
叠件么事就值十块金币
刚刚么伊呶，挠起叠着茶碗格相貌（这样）阿相貌（那样）（对着太阳）照了照
看好之，还咕了一句“老妖格”
茶杯放好就跑了
伸一只节头就是十块金币
格相貌啊相貌，照了照
弄勿好（茶杯）值五百块（金币）一千块（金币）哈是有可能啊
侬挠叠只新额去
侬要是勿欢喜，其他侬想要啥（茶杯）随便挠
是叠样桩事体啊
侬讲额茶金老先生么我还真勿晓得
个么侬讲伊（茶金）叠样子看好叠只杯子肯定勿会便宜额
弄勿好（价格只会更高）。。。。。。
走过路过勿好错过
老板，我身高头没带多
就叠两块金币，
侬好挠叠只茶杯匀被我伐？
勿来三
阿拉勿是帮侬讲过了？两块（金币）？侬勿要打磅了
我么晓得叠念念忒少了
个么我袋袋里只有两块（金币），实在是
侬当我阿木灵啊？
刚刚帮侬讲了噶许多，侬么听到啊
叠只茶杯弄勿好值五百块，一千块，。。。。
我身高头假使有多藏（kang）一块勿被侬，我勿是么事（东西）
我真额就叠念
侬要是勿相信来抄好了
啊啊。。。。啊。。。。还是唔肯啊？
哦个么算了，
阿拉炒勿着只底，哈勿让侬赚得到
我挠叠只茶杯敲忒
好，好，侬只老流氓，我输呗侬好伐
侬敲忒吗，大家统统么啥啥了覅急覅急
哦，哦，侬卖还是勿卖？
侬逼样再乱动八动，我马上拉侬去老派！
去就去，啥人吓啥人啊？大勿了，我讲我手捏勿牢滑特，挠杯子敲碎了
勿要讲老派，到纪委我哈叠样子讲
哪能侬卖伐？
两块（金币）买么我
要么敲碎忒，一脚去！
好好，算侬狠，阿拉输被侬
两块（金币）挠出来，勿被我我马上去老派告侬只强盗胚！
好好，叠就对了
油葫芦真是只杀胚
叠只茶杯勿是卖来额，就是抢来的。
过了几日，油葫芦淘了只桐木盒子
挠茶杯摆进去，盖头盖好盒子高头铺了层更紗(（花布）好打包
换了套新衣裳，打扮了山青水绿，拎了只盒子就去寻茶金老先生了
勿好意思有人伐
是
阿拉有样么事要请老先生kiki，
麻烦侬了
么问题，勿过呢阿拉老爷正好有事体，抽勿开身
来三额言话，让我看看么问题伐？
侬是。。
我是叠的（这里）经理
哦，侬是经理啊，一看就是有墨水。
勿过呢，阿拉勿是看勿起侬
我么我有我额苦衷
叠个么事只有那老爷看了才晓得值几钿
假使让人家看，弄勿好看勿懂。。。。。。
哦哦，阿拉叠地呢撒么事（要鉴定的商品），才是让我叠个经理看过之后
才好送呗阿拉老板欣赏啊
哦，叠是那店里厢额规矩是伐
个么先帮侬讲清爽
叠样么事，勿是噶简单额
其他人看了搞唔好侬勿清爽伊额价值
弄勿好会的嘴巴里屋里玛丽，穷笑八笑的
勿笑，勿笑，绝对勿笑
侬勿好侬会的笑，侬要是笑我就辣一记（打你）
晓得晓得
叠是包袱
叠是花布
里厢是
里厢是只盒子，盒子里厢有只茶杯
哦叠只啊就是叠只茶杯？
勿好意思，老板侬亲自送过来，叠只茶杯太赞了
阿拉欣赏勿来，请侬去其他人家问问
我勿是帮侬讲，叠件么事的好坏，其他人看勿懂的
侬肯定看勿懂
只要么那老板看过了，弄勿好伊会得出五百块，一千块（购买的）
覅搞覅搞，阿拉老板看。诶？五百块，一千块？
哈哈哈
哎呦哇，哎呦哇，侬逼样寻死啊
帮侬讲覅笑覅笑叫那老板出来
外头旺浪旺浪，喉咙山响，哪能了？
哎呦，茶金老板，正好来了，我正好寻侬
那经理非但勒牢勿让我看，还穷笑八笑
阿拉气不过就被伊记生活喫喫
小*，啥人让侬做叠种勿像腔额事体啊！进去
兄弟，哈么侬嗲样子辣手辣脚啊，
（要我买的）茶杯呢？
让我来鉴赏一下
请看，拜托侬仔细看看
阿拉来拜见一席
喂喂，兄弟看侬哈是忒为叠只茶杯亲自来一趟
但是侬挠叠种夜壶蛋一样额么事，要我出五百块，一千块？
侬看看，勿是粗制滥造，高头没裂纹
勉勉强强好来我叠的摆出来？侬叠只
卖啥价钿勿是侬讲了算，是买额人讲了算
侬想赚钞票的心我理解。
阿拉经理为啥笑，么我哈理解了
叠种茶杯掴了马路高头，哈么人会来的挟额
要我讲就是一块头（能买）三十只的货色
五百块，一千块？哈哈
老板，侬为啥挠了（茶杯）格相貌阿相貌
翻过来，对牢太阳照
啊!!!!!!!啊！！！！！
啊（茶杯）噶便宜啊！册那茶金侬只逼样
茶金？
侬勿是茶金啊，侬叠种老甲鱼啊为啥真额勿晓得阿拉额额苦恼啊
侬册那乱弄一气挠我要搞到倾家荡产
侬好死覅死要到伊面去喫茶啊？
去伊面喫茶，啥额嵌头（缘故）？
就是讲侬，五日前头，老瘪三勿是来音羽瀑布喫茶对伐？
啊啊，想起来侬张面孔了，伊辰光好像。。。。。对对侬坐了我旁边
侬是依个挑担卖油的人对伐？
就是我油葫芦呀
老板侬挠了只茶杯，喫好之，勿晓得侬为啥欢喜叠只茶杯
格相貌，阿相貌，挠起来，对牢天看
临跑还掴了句言话“老妖额”
茶金老先生侬举一只手节头，（定价）就是十两
（对这个茶杯）噶许多动作，
叠价钿勿是莫姥姥，夜豁豁啦
（对）侬（来说）两块（金币）勿啥啥，
（可）叠是我棺材本啊
到京都买了三年油，勿敢喫，勿敢白相，才藏（kang）了叠念念钞票买了只跑量茶杯
叠还勿算，茶馆店老板差念要送我去老派
侬喫茶啥地方勿好喫，偏偏要去叠种死人地方喫
油葫芦先生，侬讲额是叠桩事体啊
伊辰光吗我么正好喫茶，茶杯一挠起来，就是哒哒滴
我格相貌阿相貌看哈么寻着有裂纹
杯子高头的釉（质）么哈完整来兮
左看右看想勿通
哪能噶妖了啊？
啊，叠只茶杯是漏额？
漏额茶杯？
有（看不到）漏洞？
啊，，，，，，，，
等外品，有问题
漏
啊啊啊啊啊
经理正勿好意思，打痛侬了伐？
勿好意思勿好意思
老板侬听我讲
我呢勿是此地的人士
我老家来还大阪
年纪轻额辰光呢，瞎白相，
被爷娘断绝父子关系（原文写作堪当）
么方向了，只好混到京都来卖油了
眼睛一霎，已经三年了
阿拉爷娘么岁数哈大了
总归要回去照顾伊拉啊
比迪森斯（身无分文）会去总归勿像腔额
就想着要好叫捞一票
今朝一家一当统统投进去
啥宁晓得会得跌幅滕头势
哈哈哈，笑希特笑啊
对勿起，对勿起
经理阿拉勿是坏人，就脑子一记头搭错了
勿好意思，勿好意思
叠样子我么只好走了
油葫芦，侬勿要哭，先坐下来讲
挠一家一当投出去就为了博一记到底是大阪人，京都人肯定做勿出来啊
侬买叠只茶杯是照牢我（茶金）额牌头
叠是看得起我，我交规开心
就为了叠个，我勿好让侬蚀本
叠只茶杯我喫进了
啊啊，，，（你出）一千快（金币）？
一千块我出勿出（起）
茶杯是侬两块（金币）买额，阿拉再加一块，三块买下来
叠一块就包括侬额车马费，盒子，花布（购买价格）
阿拉统统喫进。
叠样子做主要看侬是额孝子，
最后关照侬一句，（古董）这一行，勿是那外行随便就好白相额，能少插一脚就少插一脚。
那爷娘么帮侬断绝父子关系么，肯定是因为侬过去勿学好
伊拉要晓得侬今朝好好叫工作，横三狠四赚钞票
就是顶好的礼物了，好了今后么覅动勿动就辣一记打人
带了叠三块回大阪起伐，再会
侬覅帮我打磅
是我眼孚勿准，输特就是输忒
侬叠样子实在是
这个，拉个。。。。
个么
我就。。。。。
茶金老先生，叠三块（金币）我勿挠
明朝我连（买）进油的钞票才没了
叠钞票就算侬借把我额
我一定还
啥辰光还被侬暂时勿好讲
总归我活来还肯定还嗯
就算我借侬额
一定还被侬
今朝勿好意思
又吵又闹
勿好意思
我跑了
讲是跑，实际就是逃
茶金老先生么哈勿会在乎伊（油葫芦），就觉（guo）着油葫芦老有趣额
被伊年钞票譬似做功德，根本么念茶杯当桩事体
茶金老先生路道交规粗，平常白相额人非富即贵
叠日到国丈（关白）窝里厢白相
国丈（关白）心情好到伊叠的白相
顺口就是一句“老金，近腔啵有啥有趣额事体伐
“有额，有额，如此这般”
“哦，扎劲额，（茶杯）挠来被我看看””
国丈有叠兴趣，茶金奥扫叫人去挠茶杯
挠得来一看，果然是水倒进去，茶杯外头滴滴哒，茶杯里厢看看勿啥啥
国丈心情爆好“有趣，有趣，来人啊笔墨伺候”
来还（在）料紙（高档皮纸）挥毫和歌一首
清水の音羽の滝の音してや茶碗もひびに森の下露
“音羽瀑布清水潺潺音流布
茶碗无缺森露点点渗无影”
叠额辰光呢哈么自媒体，哈么抖音小红书
平常辰光哈么啥爱豆八卦爆料
（茶杯）噶扎劲的事体，一眨眼就传出去了
传来传去就传到皇帝（天皇）耳朵里厢去了
“朕意欲一观此茶碗”
跟丈人阿爸一样，皇帝挠到额茶杯
一样外头哒哒滴，里厢么啥啥
茶水挠皇帝的龙袍才弄湿忒，勿晓得个人以为是皇帝“画地图”了
皇帝过着扎劲，龙兴大悦
“笔墨伺候”
旁边佣人奥扫准备
皇帝一开心就来还油葫芦淘得来哦盒子高头写
‘老妖额’（原文是波天奈正好是はてな的片假名）
叠一记头，本来是跑量茶杯，价钿辣辣叫被夯上去了
大阪的鸿池善右卫门是日本顶顶有名额收藏家
（后来著名的鸿池财阀家的祖先）
听到叠桩事体
马上寻到茶金老先生
“茶金老先生，请侬一定要挠叠只茶碗让被我”
“唔好意思，茶杯已被贵人提过字了，卖被侬恐怕勿大合适”
“哦，勿搭界,就当弄挠茶杯押了我叠地，我被弄一千块，
辰光一过就当侬还勿出，茶杯让被我”
“脱裤子放屁”（过程）一趟做好么，一只茶杯就用一千块卖特了
喂小顽，侬记得之前油葫芦伐？
记得额，
侬去寻伊来
做啥做啥，寻吼水啊
啊。哎呦是茶金老板的跟班小顽啊
做啥？那老板寻我？
哎呦我真么面孔去碰伊头了
油葫芦油葫芦侬来了？
茶金老板茶金老板，阿拉今朝碧迪深思，（答应还你的）钞票一念念哈么
哦呦，勿是叠桩事体
覅急，座下来讲
叫侬来么啥其他事体
侬记得一只茶杯伐？
乖乖么得命喽
听他言吓得我心惊胆怕。。。。。
喂喂，侬是油葫芦，勿是木易驸马好伐
事体是噶相貌额，侬一只茶杯，我一千块（金币）卖特了
啊！！！！！
老爷叔侬忒来三了
京都人忒夸张了忒吓人了
“跑量茶杯，卖勿忒钞票”哆哆讲，齐齐讲
弄伐弄伐么就卖出去一千块，我真想问侬要捏（买茶杯的）车马费
侬啦哈就叠捏出息了
侬听我讲
啊，诶，嗯，诶呦喂乖乖没得命喽
皇帝题字！！！！
茶金老先生，侬真心了勿起，了勿起
到我手里厢三钿勿值两钿额么事
倒弄手里厢转一圈就变了噶贵（ju）了
忒野豁豁了
好人有好报
阿拉叠种戆卵只好卖卵泡
认得弄算我路道粗
叠只故事特赞了
老先生，讲出来老难听
上趟侬借呗我额三块（金币）
已经被我统统用忒了
用了啥地方？
还有啥好地方？
勿是二八杠么就是*球唠
钞票一用忒，我连做生活的心象哈么了
天天困晚早
过一日混一日
今朝听了侬额言话
我么又有（努力额）方向了
我回去就要准备重新去卖油
欠债花钱天经地义
等我拼三年五年，再来还侬钞票
噢哟，当初钞票被侬就没想到侬会的还转来
寻侬来，没其他事体
挠，叠的五百块侬挠得起
剩下来五百块就存了我叠的
我晓得侬是老虫（鼠）覅藏隔夜食，有多少用多少
京都么日脚也确实不是这么好过，
今后有啥唔方便就到叠的挠，我一念念一念念分被侬
再帮侬讲一句
侬挠了叠五百块是唔是就尾巴翘，要出去卖扬（显摆）了？
要想去寻人请客了？
我帮侬讲，叠种阿缺西额事体少做做！
侬还有啥言话要关照伐？么额言话，挠好（金币）早念走好了。
五百块，五百块
我实在是不知道该怎么说才好了
勿好意思，开国语了
叠五百块本来帮我浑身勿搭界额
我哪能好意思挠呢
诶，侬讲是被我额，覅装腔作势了
好饿，要么我挠块，上趟被我饿3块阿拉就塔平了
好好，就叠样讲好了
喂，喂，经理侬来侬来
上趟我请侬喫生活了
挠，叠的是十块，侬挠起买念营养品，补补身体
侬覅肯挠我请侬喫生活！
诶呦，勿好意思
小顽小顽还好侬刚刚来寻我
叠的三块侬闹得去
诶（店里的）各位阿哥兄弟
叠一堆（金币），那自噶分，我怕就勿管了
油葫芦侬只阿木灵，叠念钞票是侬抢的来啊！
覅叠样子十三点好伐？
晓得，晓得
谢谢
谢谢
我跑了
茶金老先生么总归以为油葫芦
拿牢钞票回老家去卖扬了
勿想到过了五天，就听到店门口‘哇’老多人来还喧哗
“出啥事体了”
茶金老先生一出门就看到
一帮短打穿着头缠毛巾额人抬了老大一样么事进来
仔细一看
打头的就是油葫芦
做啥做啥？跌算啥么事
喂？喂？
哦呦是油葫芦啊？
茶金老先生，茶金老先生
叠趟阿拉一道赚伊额十万八千块（金币）哪能？
阿拉寻着了一只漏水水缸！！
侬啦，好去买块豆腐撞撞死好了